Friday, October 5, 2007

تجربه: مقتطفات رمضانيه 2

ديه تجربه احط تدوينه من مدونتي السريه واشوف حتضحكوا عليا وﻻ لأ... اللي حيضحك حيعرف شغله!
لو حد عنده فكره
support
العربي زفت اوي كده ليه في بلوجسبوت يقولي

==============================================

التدوينه تبدأ من هنا ...

==============================================

المره دي التدوينه متفائله شويه

انا زي كل يوم مؤخرا مطحون طحن في الشغل و كان عندي فطار بره و كمان الشغل لازم يتسلم الساعه 9 و الشغل يدوب عليه الوقت اصلا من غير فطار. فضلت شغال لحد ما كان فاضل ربع ساعه على الفطار بقول حاخد تاكس. والمسافه اصلا برضه ربع نص ساعه كده حسب الناس متفقه عليا عشان تزحم الشارع ولا ﻷ. المهم قلت اخد معايا حاجه افطر بيها تحسبا للـتأخير.

المهم وانا في السكه التاكس بطء عشان واحد شاورله و فاضل 5 دقايق عالمدفع. اول ماقربنا من الواد اشرأب -حلوه اشرأب ديه- عنقه عادي يعني زي اي واحد بيوقف تاكس. التاكس طبيعي مفرملش عالاخر يعني و اذا بالواد يرمي لنا بشئ جوه العربيه. انا في الاول اتخضيت و بعد كده قلت اكيد ده اعلان - بس غريبه اعلان ايه ا للي قبل الفطار ده ؟؟ المهم طلعت في الاخر كيس بلح. انا بصراحه قعدت فتره على مستوعبت ان في ناس كده و بصراحه فرحت بيهم جداااا. و قعدت ادعيلهم من قلبي. و كمان شارعين لقيت اتنين تانيين. و كمان شارع لقيت واحد بيوزع ازايز ميه. و بعد منزلت من التاكس -و الادان بيدن- لقيت عربيه وقفت تديني بلح! لو شفتو التدوينه اللي قبلها والست اللي بتقول حاجه افطر بيها يابني. مش عارف اقول ايه يصراحه المهم ان انا مبسوط اوي.

الايام دي بروح المهندسين كتير. قبل كده كانت بالنسبه ثقب اسود لا ادري له مكان. المهم النهارده خدت بالي من حاجه عجبتني برده. الاشاره فيها عدادبيقولك فاضل كام ثانيه والاشاره تفتح او تقفل!! بصراحه حسيت اني احترمت اللي عمل كده عشان هو بيحترم السواقين. كان نفسي اخدلها صوره احطها بس للاسف معنديش كاميرا رقميه.

هي الحاجات ديه اللي مخلياني حموووت واشتري كاميرا..

3 comments:

Anonymous said...

:) Yeah Mohamed I saw this (about the dates)too ..really amidst all this mess and evil ...many people are still good

Ahmed Essawy said...

يا غلس رجع ال
anonymous
:@
==
خلي الشعب يعرب عن رايه بحريه
:)
==
انا كنت ناوي اكتب حاجه بس خلاص بقي ...

Zo0oZ said...

الظاهر الحكاية دي منتشره في مناطق كتيييير .. أنا برضو حصل معايا نفس الموقف و كنت كاتباه في البلوج و رد عليا واحد من اللي بيوزعوا البلح ده فعلا .. سبحان الله .. انتشروا حتى وصلوا للبلوجز
:D

ربنا يكرمهم و يبارك فيهم بالخير يارب