سؤال
لو مصر فيها 80 مليون
ومنهم
79,999,999
مواطن
ماشيين صح
كان مبارك عرف يفسد البلد ؟
طب سؤال
مبارك جالك شخصياً في يوم بنفسه وقالك ارتشي ؟
قالك سوق وحش ؟
قالك اهمل في شغلك ؟
قالك اسرق البلد ؟
في اكتر من مليون موظف في مصر
مبارك لو قضى ال 30 سنة اللي فاتوا يلف عليهم مش حليحق يلف عليهم واحد واحد
يعني مقالش لكل واحد فيهم يبقى كده
مبارك مش هو اللي افسد مصر احنا اللي افسدناها
لكن احنا بنتجمل ونلقي اللوم على مبارك
مبارك قالك غش في الامتحان ولا قالك انقل الواجب من زميلك ولا قالك متحضرش محاضراتك ولا قالك متذاكرش موادك ولا قالك تنفض للسكاشن ؟
مبارك قالك متهتمش بالطلبة ومطالبهم ولا قالك اقلبهم ؟
مبارك قالك اسرق القمح والدقيق ولا خزن السولار ولا متنزلش انابيب البوتاجاز ؟
مبارك لوحده مش كفاية
ولو قلنا ان فيه
100,000
مسئول متواطئين وبيحالوا يفسدوا البلد
في 79 مليون مش حيستجيبوا وحيفضلوا يقوموا بعملهم على اكمل وجه
مبارك راح للمدرس قاله ادي دروس ولا راح للدكتور قاله اطبع ملزمة ولا اسرق كلية المواطنين ؟
لأ
الشعب هو اللي فاسد وهو اللي جاب كده لنفسه
طول محنا بنقول مبارك هو المشكلة والبرادعي هو الحل مش حنفوق
دي مجرد مسكنات نمحي بيها الحقيقة اللي مش عاوزين نعترف بيها
ان احنا.. السبب الحقيقي ان مصر كده
نداء لكل مصري
كلكم راع وكلكم مسئول عن رعيته
لو انت معيد ادي الأولوية لتدريسك
لو انت طالب ادرس بضمير
لو انت موظف قوم بعملك على اكمل وجه ومترتشيش
محدش يقولي صعب وناكل منين وتعيش ازاي
في ناس بتعمل كده واعرفهم شخصيا
اللي بيدخلهم في الشهر هو ده رزقهم الحلال اللي ربنا كتبهلهم
محدش حياخد غير رزقه
عاوز رزقك حلال كان بها
عاوزه حرام كده كده مش حتاخد اكتر من الرزق اللي ربنا كتبهولك بس حتتعاقب عليه يوم الحساب
Sunday, March 21, 2010
انت المسئول مش مبارك
Subscribe to:
Post Comments (Atom)
3 comments:
معاك حق يا نبيل
هو مقالش لحد من الناس كده
اصلاً هو عمره ما اتكلم مع حد من الناس عشان يقلهم كده
معاك حق اننا غلطانين
غلطانين عشان فضلنا شيفين الغلط وساكتين ومستحملين من 30 سنة
مبارك مقالش للمدرس يدي دروس خصوصية
بس خلى الحالة الاقتصادية للبلد فالضياع فبقى مرتب المدرس 120 جنيه
معاك حق الموظف اللي مرتبه 150 جنيه مش من حقه يرتشي
خاصة لما يلاقي وزير الاسكان واخد رشاوي بالمليارات
معاك حق هو مقلناش نبوظ المرور ولا نسوق وحش
خاصة لما اي واحد طالب فشرطة ممكن يبوظ اللي هو عايزه من غير ما حد يكلمه
وخاصة والشوارع زحمة والمواصلات مهكعة
مش بقول اننا ملايكة
ولا بقول ان مفيش حد من 80 مليون غلطان غير المسئولين
بس مينفعش برضه نقول هما حلوين وطيبين وكويسين واحنا اللي بوظنا البلد
مش محتاج افكرك بالحكم العادل والامثلة من اقوال وافعال سيدنا عمر
تفتكر في حد من المسئوولين وولاة الامر دلوقتي يفرق معاه ان بعير تقع ولا تموت
ولا يفرق معاه ان 10 تلاف ولا اكتر يموتوا فعبارة ولا فقطر بيتحرق
ولا يفرق معاه التعليم الواطي والتعليم الزفت العالي
ولا هيفرق معاه مستوى التأمين الصحي المجاني
وهتفرق ليه اصلاً اذا كان وزير الصحة واسرته ورئيس البلد وكل السادة الكرام بيتعالجوا برة مصر
وهيفرق ليه اذا كان ولاد وزير التعليم الزفت العالي بيدرسوا برة مصر
ربنا يهدي الجميع ويصلح حالنا وحالهم
يمكن العنوان كان خادع
انا لا ادعي ان مبارك برئ
انا بقول ان كل واحد في البلد شايل حتة من المسئولية ومبارك مش شايلها لوحده
مهو ضابط الشرطة اللي بيبوظ ده مهو مواطن
وزير التعليم ده قبل ميبقى وزير كان مواطن عادي
لا يغير الله ما بقوم حتى يغيروا ما بأنفسهم
مش حتى يغيروا الريس ولا حتى الحكومة
مثلما تكونوا يولّ عليكم
فاكرين المقال دا : )
Post a Comment